Fundamental Right zingah Right to Privacy rinlût

Mimal Chanchin humhim theihna dan Right to privacy chu India danpui hnuaia Fundamental Right zingah rinluh a ni ta a, he thutlukna hi Supreme Court chuan nimin khan a siam a ni.

Ramchhungah mi zawng zawngin Aadhar card nei vek tura hmalakna kal zelah mi tamtak chuan mimal chanchin pholanna nia ngaiin an duhlo hle a, Aadhar card hmang hian misual tu emawin pawi a khawih thui thei hle a ni tiin, Aadhar Card chungchang khinna engemawzat chu Court ah thehluh a lo ni tawh ṭhin a ni.

Chief Justice JS Khehar kaihhruai Judge 9 thutna Constitution Bench chuan nimin khan Right to Privacy chungchang hi ngaihtuahin, India Danpui ṭhen thumna pum leh Right to Life and Personal Liberty in a kentel tlat chu Right To Privacy hi a ni an ti a, Fundamental Right zingah belh an titlu ta a ni.

Supreme Court hian Aadhar chu mi tu in emaw a hmangsual thei tih lo sawi tawhin, a ngaihngam awm loh a ni a ti a, Judge pakua intel khawm ten thuchhuah a siam hnu hian Supreme Court chuan Aadhar card chuan mimal zalen na a kalh leh kalh loh an ngaihtuah leh dawn a ni.

Kum 1954 khan judge pariat awmna leh kum 1962 a judge paruk awmna rorel pawl thukhawm chuan Right to Privacy chu Fundamental Right ah a tel loh thu an lo tichhuak tawh a, tun tumah hian en nawn leh niin, pawm a ni ta ani.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *