Serchhip District huap BSI Seminar-cum-Awareness Campaign nei

Inrinni aṭang khan Serchhip Kawnpui Kohhran Biak In-ah BSI Aizawl Auxiliary buatsaihin Bible Society Seminar-cum- campaign neih niin nizan khan a ṭiak.

Inrinni khan nilengin Serchhip District chhunga Pastor Bial 18-a BSI Branch hrang hrang – N.Vanlaiphai Branch, E.Lungdar Branch, Chhing-chhip Branch leh Serchhip Branch aṭanga palai kalkhawm-ten Serchhip Kawnpui Koh-hran Hallah BSI Seminar an nei a, he hunah hian Resource Person, Pu Lalthanchhunga BSI Aizawl Auxiliary hnen aṭangin Bible Society kalphung thar chi hrang hrang leh BSI Branch/Area/Unit a hruaitute leh Collector te hriattur pawimawhte a zirtir bakah BSI rawngbawlna hnuaia Bible Society member nihna tur atana Auxiliary Category hrang hrangte inhrilh-hriatna hun hman niin, zawhna leh chhanna hun hlâwk tak hmanho a ni bawk.

 

Nimin Pathianni chawhnu leh zan inkhawmah te Pu Lalthanchunga hnen aṭang hian Pathian thuchah ngaihthlak niin, Chhiahtlang BSI Area Zaipawl, Serchhip Kawnpui Kohhran Zaipawl te leh mimal zaithiam zai te ngaihthlak a ni bawk

 

Bible Society hnathawh hi Bible lehlin, chhut leh sem chhuah niin, Kohhran hnapui ber Chanchinṭha puandarh innghahna a ni a, Kohhran pawl ram inhung bikna awm lovin BSI rawngbawlnaah hian Mizorama Kohhran hrang hrangte chu intelkhawmin thawhhona an nei a ni.

 

Nikum 2016 chhung khan Serchhip District-a BSI rawng-bawlnaah hian Rs.17,17,041/- (Serchhip Branch-Rs.8,82,852, E.Lungdar Branch-Rs.3,69,550/- N.Vanlaiphai Branch-Rs.2,53,639/- leh Chhingchhip Branch-Rs.2,11,000/-) chhunluh a ni a, kuminah hian sum hmuh hi a pun beisei a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *