FOD leh Chlorinator House hawng

Nilaini khan Serchhip District-a Freedom from Open Defecation Week hman tur leh PHE Department-in Greater Ser-chhip Water Supply Scheme-a tui sem chhuah tur tihthiang-hlimna khawl (Electrochlo-rinator)­ dahna In, Chlorinator House chu Er. F.Lalsanglura, EE, PHED, Serchhip WATSAN Division chuan a hawng.

Hawnna inkhawmah hian thusawiin, Er. F.Lalsanglura chuan Public Health Engineering Department an nih angin mipui te hnena hriselna pek chu an Department tum bulpui a ni tih a sawi a, mipuite hriselna atan tui a pawimawh ber avangin mipui te hnena tui thianghlim hnianghnar pek chu an thil tum bulpui hmasa a nih thu sawiin, chumi hnu-ah Sanitation lamah pawh hma an la chho leh tih a sawi a, tuna Chlorinator an hman mek chu duhkhawp a nih loh hunah chuan Online Chlorinator te pawh hmang tura an inbuatsaih chhoh zel dawn thu a sawi.

He hun Pu K.Lalrintluanga, SDO, Serchhip WATSAN Sub-Division kaihhruaiah hian Serchhip District MJA President, Pu C.Lalhminghlua pawh-in thu sawiin, Serchhip-a PHE Department-in mipuite hmuh-puitlak hmasawnna an nei chu lawmawm a tih thu a sawi a, PHE Department hmasawnna chu Serchhip mipuite tan hma-sawnna a nih thu sawiin, a ruka Department-a thawktute thawh-rimna chu mipuiten an hmuh hmaih lovang tiin a sawi bawk.

Chlorinator House chung-changah hian Pump House Section changtu Sectional Officer, Pu Albert Lalrinthanga chuan Technical Report pe-in, Serchhip District Laboratory-a Chemist Pu Lalramhluna pawhin thu a sawi bawk a ni.

Serchhip mipuite tui in tura natna hrik te tihhlumna tur khawl (Electrochlorinator Mac-300) hi pahnih dah a ni a, he khawl hi chi (salt) hmanga tuia natna hrik thattu tur Chlorine siam chhuahna niin, heta chlorine siam chhuah hi a bula Main Reservoir-a tui dah-khawlah pawlh nghal zel a ni a, he huna tarlan a nih danin Serchhip mipuite tui in tur hi nitin Litre nuai 11.66 vel pump chhuah ṭhin niin, hemi tithiang-hlim tur hian Chlorine litre 420 vel zel nitin siam a ngai dawn a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *