India rama Solar Train hmasa ber tlangzarh

Indian Railway chuan ramchhunga hmasa ber ni turin nizung chakna hmang rel 1600 HP DEMU solar train chu nimin khan a tlangzarh.

He rel hi environment tichhe lo thei ang ber tura duan a ni a, ṭhutna 89 awmin Safdarjung Railway station aṭangin vawiin aṭang hian a tlan ṭan dawn a ni.

He nizung hmang rel hian rel dangte aiin diesel a heh lo zawk a, kum 1 chhungin diesel nuai 2 chuang man a hum theih dawn bakah boruak ṭha lo a pek chhuah chu tone 9 velin a tlem phah dawn a ni.

He rel siam nan hian cheng nuai 54 chauh hman a ni a, Indian railway CEO Ravinder Gupta chuan solar train siam nan a an sum hmanral hi rel pangangai siam nan a an senso aiin a tlem zawk thu a sawi a, fan, eng leh a chhunga hmanraw dangte chu ni zung hmang veka hnathawh tir an ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *