August ni 5-ah Vice President thlang dawn

Election Commission chuan Vice President thar hlan hun atan August ni 5 a ruat a, vote thlak ni vek hian vote tla te chhiar nghal a ni ang.
Nimin khan Chief Election Commissioner Nasim Zaidi chuan New Delhi-ah a puang a, Vice President thlan hun atana hriattur pawimawhte chu July ni 4-a tihchhuah a nih tur thu leh nomination chu July 18 thleng thehluh theih anih tur thu a sawi a, ni 19-ah endik a ni ang a, inhnukdawk duh tan ni July ni 21 thleng hun hawn ani ang.

Parliament member-te chuan vote thlak nan a bik taka siam pen an hman dawn avangin inbumna a awm theih loh tur thu a sawi bawk. Vice President thlanna neih turah hian Rajya Sabha Secy General, Shumsher K Sheriff chu Returning Officer atana ruat a ni.

Vice President tanglai Hamid Ansari term hi August ni 10 khian a tawp dawn a, a ni hian term 2 chhung a post hi a chelh tawh a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.