Dynamo hmanga Sangha man an awm tawh loh nan Serchhip Joint VC-ten hmalak tum

Serchhip District Magistrate, DC Pi Juhi Mukherjee-i thupek bawhzuiin, Dynamo hmanga Sangha man an awm tawh loh nan Serchhip Joint VC chuan chak taka hma lak an tum.
Hemi chungchang hi  Inrinni khan New Serchhip YMA Hall-a thutkhawm an neihah relin, he ṭhut khawm hi Joint VC Chairman nihna chelh mek Pu H.Roluahpuia, VCP New Serchhip North-in a kaihruai a, an thu pass danin- Dynamo hmang ṭhin Serchhip Town-a mi te chu VC tinin a hranpaa lehkha pek vek nise, an la ti zui reng a nih chuan dan angin an chunga hremna lek tura hma lak nise an ti a ni.

Serchhip Town Joint VC Committee hian Serchhip khawpui chhunga LAD bawlh-hlawh paih motor indaih lo chu Mizoram sawrkarah dil belh nise, Tribal, Residential leh Income certificate form pek chhuah-naah pawisa laksak loh ṭheuh nise, PYKKA tia hriat ṭhin, RGKA Sport tih ni taah VC tih tur chin leh chin loh hrechiang turin Programme Officer, BDO Serchhip Pu Vanlalrova kawm nise, VC ramri inṭhenna hrechiang turin DLAO Pu ST Lalhmingmawia kawm ni bawk se an tih bakah, VC member, tlangau leh Secretary boral an awm chuan cheng sing khata ral nise tih te an pass bawk.

Serchhip Town Joint VC ah hian Serchhip, New Serchhip leh Chhiahtlanga Village Council 11 awmin, hruaitu nihna chu VC term khat chhunga chelh chhuak kim vek hman turin a inchhawkin an kalpui ṭhin a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.