Thlawhna chesualah Titanic hla phuahtu James Horner boral

Hollywood hla siam thiam, Titanic film theme song ‘My Heart Will Go On’ siamtu, James Horner chu Thawhṭannia California chhim lama thlawhna chesualah a boral.
Kum 61 mi, Horner hi trained pilot a ni a, Thawhṭanni zing khan a mimal thlawhna tê chi-a a thlawk chhuak chu a chesual a, Fire authorities te chuan van aṭanga thlawhna alh lo tla hmuh a nih thu leh he thlawhna tla hian ram acre khat vela zau a kân phah tih an sawi bawk.

A thih thu hi a personal Assistant, Sylvia Patrycja chuan Thawhṭanni khan tarlangin, Facebook-ah a post a ni.

Horner hian Titanic film aṭang khan Oscar a dawng a, Titanic film theme song aṭangin a dawng bawk a, hei bakah hian film 8 ngawtah Oscar Award dawng thei tura chhawp chhuah zingah alo tel tawh a, chung film te chu – Avatar, House of Sand and Fog, A Beautiful Mind, Apollo 13, Braveheart, Field of Dreams, An American Tail leh Aliens te an ni a,

Horner hi kum 1953 khan a piang a, kum 5 a nih aṭangin Piano a zir ṭan a, hemi hnu London-a Royal College of Music a zir leh a, California lamah pêmin, Music lam zir chhunzawmin, Bachelor Degree, Master Degree leh PhD thlengin a zo a, kum 1982 khan film-a kuthnu a neih hmasak ber ni turin Star Trek II: The Wrath of Khan-ah a tel a, film director ropui tak tak  – George Lucas, Steven Spielberg, James Cameron, Ron Howard leh Oliver Stone te nen pawh an lo thawkho tawh a ni.

About Editor

C.Lalrochhuanga,
New Serchhip, Serchhip – 796181
Mizoram
Contact: 8974286711

Leave a Reply

Your email address will not be published. Required fields are marked *