Clint Eastwood Film-ah Tom Hanks

Actor Tom Hanks chu Clint Eastwood film siam thar tur, ‘Sully’ tihah Captain Chesley “Sully” Sullenberger-ah a chang dawn.
Kum 58-a upa, lemchan thiam hi pilot huaisen tak, thlawhna khata passenger phur chunga him taka kum 2009-a Hudson River-a ṭumpuitu lema chang tur hian Warner Bros nen pawh an inbe fel tawh a ni.

He Film hi Mr Sullenberger leh Jeffrey Zaslow te lehkhabu ziak behchhana chan a ni dawn a, he lehkhabu hi mi pakhat thlawhna a thlawh chhuah hnu lawka thlawhna chiang lo chunga a passenger phurh te him taka a ṭumpui hnu-a National hero ni chho ta chanchin a ni a, he lehkhabu Warner Bros chuan kum 2010 khan a neitu nihna an lo nei tawh a ni.

He film buaipuitu tur, Eastwood hi tunah hian Boston Marathon bomb hmanga beih a nihdan filma an siam, ‘Patriot’s Day’ a buaipui mek a ni.

Tom Hanks hi Steven Spielber film siam tur Bridge of Spies leh an chan mek, Inferno-ah pawh kan hmu dawn a, Inferno-ah hian Bollywood actor Irrfan Khan pawh a chang nghe nghe a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711