Tbilisi-a tui lian vanga harsat-na ramsa hlauhna-in belh

Georgia khawpui Tbilisi-ah tui lian vangin mi 8-in nunna an chân tawh a, tui lian bakah hian harsatna dang an nei a, chu chu sahuan aṭangin ramsa engemawzat an tlan chhuak a, hei vang hian thuneitute chuan mipuite chu ramsa laka an him zawk nan in chhunga inkhung hram hram turin an ti a ni.
Ramsa tlan chhuak la hmuh loh zingah hian sakei, sakeibaknei, savawm leh chinghnia te pawh an tel a, mitthi an hmuh zinga pathum te chu sahuan chhunga an hmuh a ni nghe nghe. Ramsa tlan chhuak ṭhenkhat chu an man leh tawh a, kahhlum pawh an nei nual a, mahse engzat chiah nge a la hmuh loh an hre thei rih lo a ni.

Chhanchhuaktute chuan tui in a chim pil in hrang hranga mi tâng an awm leh awm loh an dap mek zel a, hi engemawzat chu awmna tur in nei lovin an awm tawh a ni. He tui lian hi ruah sur nasa lutuk vanga Vere luiin a kuang a luan liam vanga thleng a ni.

Tbilisi Vice-Mayor, Irakly Lekvinadze chuan he tui lianin bungrua a tihchhiat hlut zawng chu $10m vel nia an chhut thu a sawi.

May 2012 khan Tbilisi-ah hian tui lian vangin mi 5 an lo thi tawh bawk a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711