Ropui takin Lancy-i’n Serchhip a rawn lut

Lancy Remlalhruaii @ Serchhip

Mizo Idol, 2014-a Pathumna, Lancy Remlalhruaii chuan Inrinni chawhnu khan Serchhip a rawn thleng a, Lancy Fan Club buatsaihin Chhiahtlang aṭangin mipui ṭhahnem takin lirthei chi hrang hrang nen an lo hmuak a, a lawmna inkhawm neihna Serchhip bazar-thleng kawng an zawhpui a, A lawmna inkhawmhah hian Lancy bakah zaithiam dangte an zaia, mi inphal ten lawmpuina thil pek thahnem tak an pe bawk.

Lancy Remlalhruaii @ Serchhip

Lancy Remlalhruaii @ Serchhip

Aizawla Cable TV pakhat, buatsaiha Mizo Idol Contest 2014 buatsaihah hian Idol-ah Grace Lalchhanhimi thlan a ni a, lawmman atan trophy, Scooter Mahindra Company siam, Rodeo bakah tangka fai ₹1,00,000/- a dawng a, tangkafai erawh hi chu Zirtawpni zan khan ₹52,000/- cheque-a pek a ni a, a bak ₹48,000/- chu thla 12 chhungin thlatin ₹4,000/- zela pek a ni dawn a ni. Pahnihna, Lalhlumawii hian lawmmanah ₹50,000/- cheque-in a dawng a, pathumna, Lancy Remlalhruaii pawhin ₹25,000/- cheque-in a dawng a ni. Zonet-in lawmman a pek bakah hian mimal leh pawl ṭhahnem takin zaithiam te hi thil pek hlu tak tak leh tangka fai ṭhahnem tak an pe bawk a ni

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *