All District Project Coordinator’s meeting

Nimin chawhma khan Tourist Lodge, Chaltlang-ah All District Project Coordi-nator’s, Mizoram SSA Mission Meeting chu neih a ni a, Pu K.Lal Nghinglova, IAS, Commissioner/Secretary, School Education Department-in a hmanpui.

Pu K.Lal Nghinglova chuan thu sawiin kumin 2013-14 chhung atana Mizoram SSA Mission enkawlna tur sum thahnem tak Central atanga kan hmu thei tur chu lawmawm a tih thu leh hemi atana rim taka thawk thin – Mizoram SSA Mission Planning Team-te an thawhrim-naah fakawm a tih thu a sawi a, District Project Coordinator-te chu an District huam chhung te hrechiang tur leh taima taka thawk a, a hmun ngei a tlawh thin turin a fuih a ni.

He meeting hi Pu Lalhmachhuana, State Project Director, Mizoram SSA Mission-in kaihruaiin, he meeting a hriattur pawimawh awm te a sawi bawk.

Pu V. Lalsiamthara, Addl. State Project Director, Mizoram SSA Mission hnen atangin kumin chhunga hmalak chhoh dan tur ruahmanna ngaihthlak niin sawiho nghal a ni a, Pu Lalliansanga, FAO, Mizoram SSA Mission chuan sum enkawl dan tur ruahmanna Power Point Presentation hmangin a sawifiah bawk.

He meeting-ah hian State Project Office atangin Officer, Coordinator leh District atangin DPC tin te an kal kim hle.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.