Mizoram Entertainment Tax Bill, 2013 pass a ni

Mizoram Entertainment Tax Bill, 2013 chu vawiin Assembly Budget Session-ah pass a ni a, he bill hi hman a nih hunah chuan kumtin sawrkar sum zema chhun luh tur cheng nuai 15 velin a pung dawn a ni.

Taxation Minister, Pu Zodintluanga putluh, the Mizoram Entertainment Tax Bill hi sawizauin Minister chuan Assam sawrkar dan, The Assam Amusement and Betting Tax Act, 1939 chu Mizorama hman theih tura la lutin hman a ni a, kum 72 chhung zet he dan hman tawh hi a \hat tawk tawh loh avang leh thil thar tam tak a lo chhuah tawh avangin dan thara thlak a ngai a, tun hnua thiamna thar lo chhuakin a ken tel chi hrang hrang, Direct to Home Service (DTH) leh thil dangte huam vekin Entertainment Tax lak a nih theih nan he dan thar hi buatsaih a ni a ti.

He bill Financial Memorandum-a Minister-in a tarlan dan chuan Assam Amusement and Betting Tax Act, 1939 anga chhiah lak chu kum 2010-2011 chhung khan `43,74,000/- a ni a,tuna dan thar hman a nih hun chuan kum tinin sawrkar sum zema chhun luh tur cheng nuai 15 velin a pung dawn niin a tarlang a ni.

He bill sawihonaah hian opposition member te nen member hahnem takin an ngaihdan an tarlang a, bill thil tum chu \ha an tih thu an tarlang bawk a, He danah hian Cable TV connection tin a\angin Entertainment Tax `20 thla tin lak tura ruahman a ni a, sum hmuhna tura inkhelh, Sports, Music leh Drama mipuite en tura buatsaihah chhiah za zela 5 lak a ni ang a, ticket man `10/- aia tlemah chhiah lak a ni lo vanga, `50/- chinah za zela 10, `50/- aia tamah za
zela 20 lak a ni ang.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Leave a Reply

Your email address will not be published. Required fields are marked *