2012-13 chhungin Mizoramah vawk 79574 talh

Mizoram Pig Producers’ Co-operative Federation (PIGFED) Ltd. khawmpui lian vawi 20-na nimina Synod Conference centre-a neihah Aizawl khawpuiah thla tin vawk 3117 vel leh Mizoram pumah nikum 2012-13 chhung khan vawk 79574 talh nia tarlan a ni.

Zoram hmun hrang hranga vawkvulhtute intel khawmna PIGFED hi kum 1989 June thla ah pawl anga registered niin a hnuaiah society 164 an awm mek a. An pawl hmalakna zinga langsar tak Base Pig Breeding Farm Thenzawla mi chu NEC suma bul ṭanin Mizorama vawk chi ṭha vulh punna hmanrua atan leh hmarchhak bial te entawn turin din a ni a. NLUP Infrastructure development fund atangin he Farm chei thatna tur leh vawk dah belh tur lei nan kum 2011-12 khan cheng nuai 20 leh kum 2012-13 ah nuai 15 pek an ni.

He khawmpui hmanpuitu, NLUP Implementing Board Vice Chairman leh Planning Board Member Secretary ni bawk Pu P.L.Thanga chuan kum 2007 atanga 2012 inkara PIGFED in vawk note a thar chhuah zat enin kum 5 chhunga a thar chhuah punna chu ram chhung mamawh thlirin a tawk lo hle a ti a, vawk vulh zat tipung turin nasa taka tan lak a ngai a ni, a ti a. NLUP hnuaiah vawk vulh thlang mi thahnem tak an awm chungin, tun thlenga vawknote leh a sa ei tur indaihlova Mizoram a la awm chu thil zahthlak a ni, a ti.

About Editor

Editor, Zothlifim Daily Newspaper, Serchhip - 796181, Mizoram.

Comment ( 1 )

  1. HRIATA CHHANGTE

    Mizote hi chuan eng SA mai pawh hi vawksa nen kan tehkhin zel a… Mizote hian Mawm leh Thlum hi kan la lawm tawp thei hrih lo chu a la ni a..Hei hi chu kan rawp a la reh tak tak loh vang ani ber mai awm e…. Tlema zun thlum leh inti eng emaw ho an insum deuh tih mai loh chu…. Mahse kan sa duh ber leh ngaihsan ber VAWKSA takngial ah pawh kan la intodelh thei lo reng mai erawh hi chu kan sawrkar, chunglam programme a kal ve hi chunglam hian chuti fakauvin a la duat teh chiam hrih lo a ang ka ti thin.. Thenzawl vety hmun tha em em a te khu Demonstration Farm kan la ti reng mai a.. Production Farm ang a kalpui law law chi ani lo maw…

Leave a Reply

Your email address will not be published. Required fields are marked *