MZP ‘Lokayukta Drafting Committee’-in draft bill peih tawh

Hlemhletna vengtu tur ‘Lok Ayukta’ din a nih theih nana MZP in ‘Lokayukta Drafting Committee’ a din chuan draft bill peih tawhin a rang thei anga he bill hi pass an duh thu leh hman a nih theih nan a ṭul ang apianga hmalak an tum.

Lok Ayukta Drafting Committee chuan MZP Pisapuiah chanchinbumite kawmin, he hun hi MZP President James Thanghmingmawia chuan kaihruaiin, Corruption chungchanga hmalakna a chak lehzual theih nan April ni 13, 2013 khan Corruption chungchang zirhona ‘Seminar on Anti-Corruption’ an buatsaih tih sawiin he seminar a sawitu tam zawkin corruption do tu tur lokayukta din a tulzia nasa taka an sawi chu phur takin an bawhzui tih an sawi a, ‘Lokayukta’ chu Mizoram ah hman anih ve theih nan May ni 5, 2012 khan Lokayukta Drafting Committee an din tih a sawi a. Member atan mi thahnemngai, corruption a bo theih nana an theih ang tawka tha lo thawh thintute leh NGO a an thawhpui MUP, YMA leh MHIP te chu thawhpui ah sawmin an theih ang tawka tha leh huai taka corruption do thei tur Lokayukta a awm theih nan ‘Lokayukta draft bill’ chu duangin Mizoram ah hman anih thuai theih nan hmalakna an kalpui mek thu an sawi.

He Loayukta Draft bill ah hi thuneihna sang tak nei tura duan a nih thu sawiin ACB pawh an kaihhruaina hnuaia awm tura duan an ni tih a sawi a. Tun dinhmuna corruption chungchanga case awm hrang hrang te chhui dan leh bawh zui a thubuai ziahluh thlengin sawrkara thu neitu ten engkim an thuneihna hnuaiah a awm vek a, hei hian vawin thlengin sawrkara eirukna lianah man leh hrem mumal a la awm loh phah a ni tiin tuna Lokayukta bill hi pass a nih chuan eirukna kaihhnawih thubuai reng reng sawrkar phalna la kher tawh lovin thubuai an mahniin an ziak lutin an chhui tawh ang a, sawrkar rem tihna la kher lovin court ah an prosecute thei tawh anga, tuma mitmei veng lovin mi tupawh CM thlengin thubuai siam sakin an man thei tawh dawn a ni. Chuvangin he bill hi rang thei ang bera pass hi an duh tak zet tih an sawi .

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Comment ( 1 )

  1. HRIATA CHHANGTE

    CORRUPTION ,diklo taka sawrkar sum tih chingpen , hman dik loh hi a to bul ber chu kan RILRU/ Ngaihtuahna/ Attitude a ni daih mai.. Eng dan tha leh khauh pawh siam ila, a pe ru duh tu leh lo dawng duh ru tu an awm chhung chu tihrem a hra khawp ang.. khawvel ram hrang hrang eirukna lama fihlim nasa ( fihlim thak tak tak chu Adama thlahte zingah hian beisei chi pawh ani law..) ho hi chu an corruption do-na system/ dan that ai mahin mimal leh inchhung kua atanga chulam a rawn fihlim chho te tamna chhungkua ram anni hlawm tlat mai… Mahni chhungkua ah Corruption hi han ten em em phawt mai ila.. a fel duak duak mai ang…Corrupt ve thei loh avanga do nilovin corrupt thei hovin an do hunah a rem chak bawk ka ring…

Leave a Reply

Your email address will not be published. Required fields are marked *