Kawlphetha indaihlohna nasat chhan Tui tlêm vang

Mizorama kawlphetha indaihlohna nasa tak awm mek chu \hal tui tlem vang a nih thu Power & Electricity Department-in a sawi.

Hemi chungchanga an thuchhuahah Power Department chuan, Mizoram-in Central Power Project hrang hranga a dawn tur chu MW 73.48 a nih laiin \hal tui tlem avanga power siamchhuah tlemin a nghawng avangin MW 45 vel chauh a dawng a ni a ti a, Central Electricity Authority (CEA) in ziaka a tarlan danin India rampuma Power indaih-lohna MW 12295 a ni mek a, hmarchhak State zingah Mizoram chu Power dinhmun \ha ber zinga mi a ni tih an sawi.

Tun dinhmunah kawlphe-tha indaihlohna sukiang trurin Serlui ‘B’ SHP atanga Power siamchhuah chu hman mek nimahse, Forest Clearance la fel loh a nih avangin Commission theih a la ni lo tih sawiin, Bairabi Thermal Plant erawh chu a chhiat avangin hman theih a ni lo tih an sawi bawk.

Kawlphetha indaihlohna hi rampum huap harsatna a nih avangin, a leina sum pawh awm mahse duh zat leitur a awm lo tih Power & Electricity Department chuan a sawi a, tunah hian a lei theihna pawh dap kualin Indian Energy Exchange (IEX) leh company dang an dawr reng a, amaherawhchu lei tur an hmu lo a, hei vang hian hetiang dinhmun hi hrethiam turin mipui an ngen tih an sawi.

Kawlphetha duhkhawp hmuh a nih loh avang hian Mizoram pumah nasa taka inenchhawk tir a ni.

About Editor

C.Lalrochhuanga, New Serchhip, Serchhip - 796181 Mizoram Contact: 8974286711

Comment ( 1 )

  1. LB KIMA CHONGTHU

    Mizoram in 22.3 MW dawng tura ruahman a nih mek laiin a lak luh mek chu dar 13:00 hian 25.1 MW ania..kan mamawh chu a phuhru lo hle awm e..Matric & Plus 2 exam lai leh thal va ek char lai in nang kher kher hi chu aw..industry lian ve deuh te han din ve phei ila kan nasa lo awm mang e. Tuirial HEP kan suamsam nasa lutuk te khu a pawi tlawk tlawk teh zawng anih hi…COMPENSATION Uchuak lutuk te kha awmlo ni se zawh dai tawh tur hi a ni a le..tunah pawh hian a dinhmun hi a tha em em lem hran law ..CABINET meeting pawhin COMPENSATION chungchang an sawi fel theih rih loh kha ..a tawp mai dawn si lova…ilo thlir zel teh phawt ila.

Leave a Reply

Your email address will not be published. Required fields are marked *