DTO Transfer chungchanga thudik chu !: MPCC Media Cell, Serchhip Block

Mizoram News

(An Press Release a ngai ngaiin)

Serchhip Block Congress Committee Media Cell
PRESS RELEASE No 2 of 2013

DTO Transfer chungchanga thudik chu !

Dt 24-25, April 2013 a Pu Lal Thanhawla, Hon’ble Chief Minister,
Serchhip a rawn tlawh tuma District Transport Officer Pu MC Sangchunga
a transfer chung changah MNF Block East Serchhip ten thudik ziktluang
hre si lova, a mawhpuh lo zawk tur mawhpuha, DTO transfer tak thlavang
an hauhna thuchhuah April ni 27, 2013 (inrinni) khan tualchhunga
chanchinbuah a a lo lang a.

He thilah hian thil awmzia dik tak zawk chu hetiang hi a ni –

Chief Minister Pu Lal Thanhawla chu April ni 25, 2013 zing khan
Serchhip Auto Rickshaw Owners’ Association ten P&E Rest house Bukpuiah
hmuin, Town chhung – Chhiahtlang leh Sailiamkawn inkar chauh an
service thei chu tun hma ang bawkin, Chhingchhip, Keitum, Bungtlang
leh Thenzawl thlenga service ve theih an duh thu leh tun hnaiah, town
pawn pela tlan te chu an permit cancel-sak leh Rs 5000/- chawitir
theih an nih thu DTO Order thar a awm thu an hrilh a. CM zahawm tak Pu
Lal Thanhawla chuan Mizorama lirtheia eizawng zingah pawh dinhmun
hnuaihnung bera ngaih leh rethei eichawp dap chunga service, (Auto
Rickshaw chu motor-a ngaih phak mang loh) heng mite harsatna tawh hi a
hriatin pawi a ti hle a ni.

Hetianga an tana harsatna thlentu,tun hma deuh atang tawha a chanchin
tha lo lam tam tak a hriat tawh bawk avangin transfer turin Transport
Deptt hotute a hriattir nghal a, ‘A transfer chhan hi town pawna Auto
Rickshaw tlan khap vang ngawr ngawr a ni lova’. Serchhip Taxi Owners’
Association hruaituten amah an hmuh leh chuan dan anga kalpui a nih
tur thuin a lo chhang a ni. MNF Block East ten thil awmzia dik tak hre
lova, rorelna dik hlenchhuah tumtu CM hmalakna an dem vak mai hi pawi
kan ti a. DTO transfer tak kha mi dik tak, tha tak leh hlemhle lova
hna thawk thin an ti em ni ? Chumi avanga a thlavang hauh an nih chuan
lirthei nei leh nei lo DTO transfer tak dawr tawh zawng zawng hnena mi
dik a nih leh dik loh hre tura mipui ngaihdan lak hial mai pawh hi a
tha lo’m ni? kan ti hial a ni.

He thila kan Chief Minister zahawm tak chet dan hi rorelna dik a awm
theih nana mi rethei leh harsa zawk te thlavang hauh tumna dik tak
niin kan hria a, chutih rualin Taxi service nena in tibuai lova
Auto-Rickshaw service dan tur hi ruahman fel theih a beiseiawm a.
Mipui rawngbawltu lirthei service association pahnih ten boruak tha
tak an neih zui zel theih ngei pawh kan beisei tlat a ni.

Issued by Serchhip Block Congress Committee, Media Cell

Comment ( 1 )

  1. HRIATA CHHANGTE

    PR chhiar nuam tak a va ni em….Sawrkar officerte hi an awmna mipui an mawl riauva an hriat chuan diklo taka in lu ling ta mai mai te an awm chawk…. amah ka hre ve lo na a…Serchhip mipuite leh khawtlang hruaitute kan nawi vak vak tawh lo tih a ti lang chiang a, thil lawmawm a va ni em…

Leave a Reply

Your email address will not be published. Required fields are marked *