Sudan chuan kum 42 chhunga a vawi khatna atan Africa Cup of Nations-ah chakna an chang ve ta a, nizan hmasa khan Burkina Faso chu 2-1-in an hneh a, hei vang hian Sudan hian Quarterfinal an thlen phah ta a ni.
Kevin de Bruyne chu Chelsea chuan Belian Club Genk aṭangin an lei fel a, De Bruyne hian Chelsea tan kum 5 leh a chanve daih tur contract a ziak a ni.
Belian Champion Genk chuan nimin zing khan Attacking Midfielder De Bruyne hi Chelsea-ah an hralh fel tih an puang a, a man hi Pound Maktaduai 6.7 vela ngaih a ni a, Chelsea hian lei fel mahse kum 20-a upa, De Bruyne hi Genk-ah tun season chhung chu a la awm rih dawn a ni.
FA chuan FA Cup-a Arsenal-in Aston Villa an hneh tuma Robin van Persie chêt dan chungchang chu an chhui zawm dawn ta lo.
Aston Villa boss Alex McLeish chuan Van Persie hian Spanish defender Carlos Cuellar chu a kiuin a nghawk lui nia puhin FA chu hma la turin a ngên a, mahse match referee Mike Jones chuan FA hnenah he thil thleng hi a hmuh thu thlenin hremna pek tur khawp a nih loh thu a sawi avangin action an la zui dawn ta lo a ni.
He match-ah hian Arsenal hian Aston Villa chu 3-2-a hnehin 5th Round an lut a ni.
Nimin kha Transfer Window tâwp ni a ni a, England lama transfer thuthar lian zual deuh deuh te lo tarlang ila, he thu i chhiar lai hi chuan engkim a nih tur ang a ni fel vek tawh ang.
Thla 12 a liam ta a, Chelsea tan goal 5 chiah a la khung a, chhan ngai Fernando Torres chu an boss Andre Villas-Boas chuan a chhan leh ta.
British club-in player an lei zinga man to ber a nihna kha nikum January kha a ni a, hetiang em ema Stamford Bridge-a a hlawhtling ta lo hi chu mi tam tak chuan an ring pha lo ang.
FA Cup 4th Round chu khelh zawh thawkhat tawh a ni a. Inhnehtawk, inkhel ṭha leh tur awm mahse 5th round a intum tur pawh pawhfel tawh a ni.
Manchester City hneha Carling Cup final lut a, FA Cup aṭanga Manchester United hnawtchhuaktu ni bawk Liverpool chuan FA Cup 5th round-ah Brighton & Hove Albion an tum dawn a, Arsenal in Sunderland leh Middlesbrough rematch-a chak zawk an tum ang a, Chelsea in Birmingham City an mikhual bawk ang.
Hmarchhak state ṭhalaite puala adventure sports tihhmasawnna tur, a bika duan “Youth to the edge: project chu Doner Minister Paban Singh Ghatowar chuan niminpiah khan New Delhi-ah a hawng.
Serchhip February 1, 2012: Thawhṭanni khan Mizoram Journalist Association, Serchhip District chuan I&PR Conference Hall-ah Annual Conference hmangin hruaitu thar an thlang nghal a, he hun hi Pu P.Lalchhuanga, District Bawrhsap-in a hmanpui a ni.
Nimin khan Chief Secretary Pu Vanhela Pachuau kaihhruaina hnuaiah Aizawl khawpui chhunga sawrkar leh mimal school tina hotute leh District tina Deputy Commissioner te, District Education Officer te, District Council tina Education lama mawhphurtute chuan Vanapa Hall-ah meeting pawimawh tak neiin, Supreme Court-in ni 22.9.2011 leh ni 13.1.2012 a Order a chhuah tihhlawhtlin ziktluak a nih theihna tur chungchang sawiho a ni.
State Level Fire Prevention Committee chu nimin khan an Chairman, Chief Minister Pu Lal Thanhawla kaihhruaina hnuaiah an ṭhukhawm a, Kumina Fire Prevention Week chu ni 3 February 2012 aṭang khian hman ṭan nise an ti.
RECENT COMMENTS