Leave a reply

Aizawl khawpui hmun hrang hrangah CCTV Camera bun hna thawk mek

Home Minister Pu R.Lalzirliana chuan Aizawl khawpui hmun hrang hrangah CCTV Camera bun hna thawh mek a ni, a ti.

Pu R.Lalzirliana hian Aizawl khawpui hmun hrang hrang 30-ah pawikhawihna thlengte leh pawikhawihtute thla eng hun pawha lo la thei tur CCTV camera bun hna hi kalpui mek a nih thu a sawi a. Ningani zana Assembly Secretariat bul, Venghlui bazar hmuna bomb na tak puahna lang thei tur khan Assembly Secretariat hian CCTV thla-lakna an bun na-in khatihlai kha a chhiat lai a nih thu dawn a ni.

cctv-camera0911Assembly Secretariat bula bomb puah chungchangah hian tun thlengin kha thila inhnamhnawih emaw, rinhlelh man emaw an la awm lo a. Home Minister R Lalzirliana chuan, he bomb tihpuah hi a titute chu tupawh nise sawr-kar beihnaah a ngai tih a sawi a. Mizoram remna leh muanna tihchhiat duh zawnga che an ni ang em tih ngaihdan a neih thua sawi bawk a. Hetianga mipui tiralkhela pawi khawih-tute chu sawrkarin a chhui ngei dawn tih a sawi bawk.

Ningani kalta zan dar 11 vela Treasury Square-a Venghlui bazara tihpuah chungchangah khan inhnamhnawih leh rinhlelh man emaw an la nei lo nia hriat a ni a, Mihring thi leh hliam erawh an awm lo a. Helai bazar-a ṭhutna inchuh a awm niawma sawi a awm avangin Police te chuan uluk takin thil nithei awm an chhui mek zel niin an sawi a ni.

Read more
Leave a reply

TATA Motor-in Aizawl-ah Automobile Trade din an tum

ITI Aizawl-a world class Automobile Trade dinna tura TATA Motors leh Mizoram sawrkar thawhdunna tur chungchangah nimin khan Chief Minister Pu Lal Thanhawla leh TATA Motors Company hotute chu Chief Minister office ah an inkawm a, Automobile Trade din tura TATA Motors-in ruahmanna a siam te an thlirho.

TATA Motors company hian Corporate Social Responsibility hnuaiah he project atana training-na hmanraw pawimawh an rawn tum tur zingah TATA Motors ho engine leh khawl neih te bakah khawvela company lian leh rintlak, Castrol, Fleetguard, Bosch leh ZF ho khawl ṭha ber ber te an rawn bun thei dawn a. Training-na hmanrua an rawn tum tur hi cheng vaibelchhe 2 chuang man a ni. He project din nan hian ram 6000 sq.ft laia zau ITI Aizawl ram aṭanga pek tur a nih avangin Automobile Trade bakah item dang eng emaw zat pawh belh chhah tura ruahman a ni.

Chief Minister Pu Lal Thanhawla chuan Mizo thalai te company lian a thawk tura ram chhung leh ram pawn thleng an pen chhuah theih nan TATA Motors ten hmanraw changtlung tak nen training centre an rawn buatsaih pui theih chuan Mizoram sawrkar chuan “lawm takin a pawm ang” tiin TATA Motors te nena thawh ho chu tha a tih thu a sawi a. A ṭul anga bawhzui turin officer pawimawh te a hriattir nghal bawk a ni.

Nimina Chief Minister leh TATA Motors hotute inkawmnaah hian Labour & Employment Minister Pu Lalrinliana leh State Planning Board Member SEcretary Pu PL Thanga te pawh an tel a ni.

Read more