Leave a reply

Firfiaka che ten Pakistan Airport an bei

Pakistan Airport lun ber Jinnah Internationnal Airport Old Terminal, Karachi-a mi nizan hmasaa firfiaka chete’n an beihnaah mi 17 aia tlem lo an thi a, an zingah hian Security mi 9 an tel.

Pakistan Interservices Public Relation thupuangtu sawi dan chuan, firfiaka chete bei let tur hian airport bul hnaia s ipaite punin firfiaka chete tawmna hmun hi an hual nghal a, Jinnah Terminal aṭanga thlawhna thlawk chhuak tur zawng zawng tihtawp a ni a, airport panna kawng zawng zawng khar a ni bawk.

Karachi Police-te sawi dan chuan, mi 5 aṭanga mi 8 vel, airport security form-a inthuam, ID card lem hmang, silai leh puak thei thil ṭhahnem tak kengte’n airport hi luhchilhin an bei a ni.

Pakistan Minister Faija Yusef chuan he pawikhawihna hi mi dawihzepte thil tih a ni, tiin, firfiaka chete’n Pakistan sawrkar hmunhma pawimawh tihchhiat vek an tum zia tihlan a ni, a ti

Read more
World News Leave a reply

Sipai thuneihna hnuaiah Thailand a awm

Thailand sipai-ten nimin zing khawvar hma khan an ram chu sipai thuneihna hnuaiah a awm tih an puang a, hei hi an ram politics, thla 6 chhung buai tawh chinfelna tur nia sawiin sawrkar paihthlak erawh an tum lo niin an sawi bawk.

Martial Law puan anih thu hi an ram TV Channel-ah India ram sanaa nizan hmasa zanlai pelh hnu, dar 1:30-ah puan a ni a, sipai-te hian Bangkok-a private TV Station-te luhchilhin an thuchah hi an puang a, he khawpuia National Police Hqrs an hual bawk a ni.

Read more
World News Leave a reply

Ukraine-a Mizo zirlaite him

Ukraine leh Russian thuneihna huam china awm Crimean Peninsula a Mizo zirlai te him dama an awm theih nana hma la tura Chief Minister Pu Lal Thanhawla’n sawrkar laipui a ngenna chu chhangin Ukraine a Indian Embassy-a Indian Ambassador Rajeev Chandra chuan Mizo zirlaite chu an him thu leh ngaihtuahawm an nih loh thu a rawn hriattir a, he thil thlengah hian chiaina tur a awm loh thu a sawi bawk.

Ambassador hian India hmarchhak (NE) mi zirlai pahnih pawh a biak thu leh an ni pawhin ngaihtuahawma an awm loh thu an hrilh tih a rawn thlen bawk a ni.

Chief Mniister hian niminpiah khan Union Minister for External Affairs Salman Khurshid leh Union Minister for Overseas Indian Affairs Vayalal Ravi te chu lehkha thawnin, zirlaite mai nilo, an chhungte mangan thu leh an thlabarzia te hrilhin Mizo zirlai naupangte ngaihsak reng tura helaia Indian Missions awmte hrilh a, ṭanpui ngaite ṭanpui zel tura hrilh hre turin a ngen a ni.

Read more
Leave a reply

CM-in sawrkar laipui ngên

Ukraine leh Russian thuneihna huam china awm Crimean Peninsula-a buaina namenlo chhuakah Mizo zirlai 30/40 vel awmte sahimna tura a ṭul ang anga hma la thuai turin leh an dinhmun vil reng turin Chief Minister Pu Lal Thanhawla sawrkar laipuiah ngenna a siam.

Thawhṭanni khan Union Minister for External Affairs Salman Khurshid leh Union Minister for Overseas Indian Affairs Vayalal Ravi te chu lehkha thawnin, Chief Minister chuan heng zirlaite mai nilo, an chhungte mangan thu leh an thlabarzia te hrilhin Mizo zirlai naupangte ngaihsak reng tura helaia Indian Missions awmte hrilh a, ṭanpui ngaite ṭanpui zel tura hrilh hre turin a ngen a ni.

Read more
World News Leave a reply

Iran-in mi pahnih khai hlum

Iran-ah nimin khan ramdang tana enthlatu-a puh mi 2 khaihlum an ni a, Tehran-a prosecutor office sawi danin, khaihlumte hi Israel Intelligence Agency ‘Mossad’ tana thawk, Mohd Heydari-a leh US Intelligence Agency, CIA tana thawk, Koroush Ahmadi-a te an ni.

Israel leh United States-te hi Iran hmelma lian ber niin an ram nuclear prog. tihbuai tumah a puh a, heng ram tana thawkte chu an man zel dawn tih a lo sawi tawh a ni.

Read more
World News Leave a reply

Pakistan-ah Nawaz Sharif kaihhruai sawrkar ding leh dawn

Pakistan-ah Prime Minister hlui, Nawaz Sharif kaihhruai sawrkar a ding leh dawn tih a chiang tawh a, parliament seat 272-a seat 166 result puan tawhah Pu Sharif-a party, Pakistan Muslim League-Nawaz (PML-N) chuan seat 95 a la tawh a, cricketer hlui Imran Khan-a kaihhruai, Tehrik-e-Insaf party-in seat 21 a la tawh bawk. PML-N hian a lo berah seat 125 a la pha dawn niin a lang a, Tehrik-e-Insaf-in seat 34 an chan rin a ni a, rorellai Pakistan People’s Party (PPP) chu 3-na niin seat 32 chauh a chang dawn niin a lang.

Read more
World News Leave a reply

Saudi Arabia-in pawhsei tumlo

Saudi Arabia chuan an ram chhunga ramdang mi dân lo a cheng te dinhmun tihchianna hun atana thla 3 a pek chu pawhsei a tum loh thu a sawi.
Saudi Arabia Interior Ministry chuan thla thum chhung hian foreigner zawng zawng ten an dinhmun ti chiang tura hriattirin huntiam a tawp hunah chuan zahngaihna telloa an rama thawnkir an nih tur thu a sawi a ni.
India mi maktaduai 2 telin, foerigner maktaduai 8 vel chenna Saudi Arabia-ah hian, ramchhung mi ten hna an hmuh ve theih nan, sorkar chuan dan siamthatna thar labour market reforms siam a tum a, hemi avang hian an ramchhunga hna hnuaihnung tam zawk thawktu Asia ram mite chu hnawhchhuah a tum a ni. Saudi Arabia ah hian ramdang mi an permit in a huam chian baka hna thawk leh an phalna neih chin tawp tawh hnua la cheng chhunzawm tam tak an awm a, hei vang hian thla hmasa khan an lal King Abdullah Bin Abdul Aziz a chuan heng ramdang mi te tan an permit siamthat nan emaw an ram chhuahsan nan emaw thla 3 chhung hun a pe a ni.

Read more