Zan mu i chhing dawn em ni?

Zan mu i chhing dawn em ni?
Zing boruak kar an ka hawi vela,
Theih chang se tiin ka dawn vel a;
Turnipui vanzawl a lo kaiin,
Ka chhailai nghilh ni a awm thei lo.

………….Tlaitla eng mawi leh romei dawn ve la,
………….Chhingmit lenin i chhailai di zawng la;
………….Lamtluangah leh laitualah te,
………….Lunglam i vai ngei ang;
…………. Min ngai hian maw zanmu i chhing dawn em ni.

Theih changse turni vanzawl a kaiin,
Run nghakin se se biahthu hlanin;
Kimtlangmawi sakruang ka pawm nang che,
Tlaini tla kan doral maw lo ni.

Turnipui kawl’an a herliam a,
Min dawnpui ve la kei ka chan hi;
Zantiang chhawrhthla leh laikhum mai maw,
Tawnloh kar min hnemtu lo ni.

Satu : Zothanpari Kawlni (Partei)

About Editor

Editor, Zothlifim Daily Newspaper, Serchhip - 796181, Mizoram.

Comments ( 2 )

  1. okstea

    mp3 in mn share sak thy ngem

  2. H Lunghnema

    Zanmu i chhing dawn em ni? tih hla Parteii sak hi kei pawh mp3 in ka duh hle mai..

Leave a Reply

Your email address will not be published. Required fields are marked *