Mizoram News Leave a reply

Fire & Emergency Training

Fire & Emergency Services Department chuan ni hnih awh tur ‘Training on sensitization of Fire Officers’ chu nimin khan Training Hall, Fire & Emergency Services Headquarters, Hunthar Veng Aizawl ah an ṭan.

He training ah hian tunhnaia Mizoram Legislative Assembly-in a passed tak ‘The Mizoram Fire Services Act, 2013’ chungchang inzirtirna an neih bakah kangmei laka invenhimna chungchang Aizawl Municipal Council Building Regulation 2012 leh National Building Code 2005 in In sak dawna tihtur a sawi zir chianna leh LPG chekkhawm leh hman dan chungchanga hriattur pawimawhte an zir a ni.

Read more
Mizoram News Leave a reply

E/Roll Special Summary Revision atan ruahmanna kalpui mek

Mizoram Assembly inthlanpui hmachhawn tur thlira Mizoram Electoral Roll Special Summary Revision neih tur atan inruahmanna te chak taka bawhzui a ni.

Election Jt.CEO Pu H.Lalengmawia’n nimin khan an hmalakna chungchang hi thuthar thehdarhtute Aizawl-ah hrilhin Election Commmision of India a tih angin, Special Summary Revision hi July Ni 1 aṭanga ṭan tur a ni dawn a, Final Roll chu August Ni 16-ah tarchhuah hman tura tih a nih thu a sawi.

Pu Lalengmawia chuan inthlan hmachhawn turah sawiselna leh puhmawhna hrang hrang awm ṭhin mahse vote thlakna khawl EVM chu Election Commission of India duhdan anga hman tum a nih thu a sawi a. Mizoramin EVM 1500 a neih zingah 187 chu siamthat ngai a nih avangin ECIL Hqrs. Hyderabad-ah thawn tura buaipui mek a ni tih sawiin, ECI phalna in Tripura atangin EVM 200 hawh tum a ni a ti a. Mipui thlan sawrkarna siamah hian vote nei an vote hlu tak an thlak ngei chu khua leh tui ṭha nihna a nih avangin mipui zirtir kawngah tualchhung thuthar lakhawmtu te ṭawiawmna a pawimawh thu a sawi bawk.

Pu Lalengmawia chuan, Inthlan leh a kaihhnawih thil a mipuiten an lungawilohna leh hriatfiah duh an neihte awlsam taka an zawhfiah zung zung theih nan Public Grievances Redressal Mechanism chu Election Commission-in a duang chhuak tawh tih sawiin mi tupawhin an lungawilohna leh hruitfiah duh an neih te phone hmanga an zawh zung zung theihna turin district tinah toll free telephone connection neih vek a ni a. Directorate-ah englai pawhin telephone no.1950 ah election kaihhnawih thil a hriat duh nei tan bik biak theih reng a ni a ti.

Tun dinhmunah Mizoram-ah Vote nei mi 6,83,801 an awm a, mihring za zela 60.11 Roll-ah an awm a ni. Hetihlai hian, ni hnih awh tur ERO leh AERO-te training Aizawl-ah nimin khan ṭan a ni.

Read more

Tuipui khaw bulah Ralthuam man

14 Assam Rifles leh Custom Department tangdun chuan nimin zing dar 4:30 khan Champhai Road a Tuipui khaw bul khan F.Lalthanhranga hnen aṭangin Cordex 7y350 metres a sei leh detonator an man a, Aizawl aṭanga Champhai a ken a tum a ni. Hei hi thla hnih chhunga Assam Rifles in ralthuam an man hnem ber pahnihna a ni a, March ni 7 leh ni 8 khan ralthuam ṭhahnem tak an lo man tawh a ni. State intelligence agencies leh Assam Rifles te inkara thawhhona ṭha tak avangin ralthuam tam tham man a ni tawh tih AR hotute chuan an sawi.

Read more
Mizoram News Leave a reply

In sak himlo leh leimin hlauhawm te endika report thehlut turin hriattir

Fur khawchhia avanga leimin mai thei leh chhiatna thlen thei thil dang laka inveng turin Aizawl DC office chuan Disaster Zonal Officer-te ko khawmin, an bial ṭheuh-ah In sak him lo leh leimin hlauhawma awmte endik a, report thehlut turin a hriattir.

Aizawl District Disaster Management, Aizawl DC Office leh Aizawl Chanmari khawtlang hruaitute Chan-mari aṭanga Chaltlang pan chhohna kawngpui chhak kopang, min leh mai thei a nih avangin tunkar Thawhṭanni aṭang khan a thawmṭhat hna an thawk a, a him chin anga lang pawh thirlen hmangin an kai bet a ni.

He hnathawh kal lai hi nimin zing khan Parliamentary Secretary Pu Lal Than-zara’n a hmunah a tlawh a, vantlang tana hlauhawm thei thenfai hna thawh a ni chu mipui him nan a pawimawh em em a, helai hmun mai lo pawh Aizawl khawpui chhung-ah In sak sa ṭhiah ngai, mipui tana him lo a awm nual a ni, a ti.

Read more
Mizoram News Leave a reply

Thlaleh thla ral hmaaSibinasora chhuahsan vek turin ti

Lunglei aṭanga Kms. 23-a hla Chakma pemkhawm khua a ngaih Sibinasora Bawk, sawrkarin ṭhiah tura a tih chu tun thlenga chhuahsan an la awm loh avangin thlaleh thla ral hmain chhuahsan vek ni se tih Lungsen khawtlang huap pawl hrang hrangin an rel.

Lungsen VC, MZP leh MSU Joint meeting chuan, mihring 182 awmna Sibinasora hi Tlabung DFO chuan kumin March ni 15 ral hma khan chhuahsan vek turin a hriattir tawh a, he hriattirna lehkha hi ngai pawimawh lova tun thlengin an la awm chu sawrkar zahlohna lian takah an ngai tih an sawi a ni.

Lungsen MSUSub.Hqr chuan Lungsen VC ram chhunga dan lova Chakma ten in leh lo an din a, bawk an khawh ve ringawt chu ṭhalo an tih tih an sawi a, he bawk hi Chakma foreigner te tana inbenbelna awlsam tak a nih theih mai avang in leh Mizo te tana thil ṭhalo thlen thei a nih avangin an dodal tlat tih an sawi a ni.

Hetihlai hian, Lungsen VC te chuan he bâwk hi din a ni tih an hriatpui lova, din a nih dawn pawhin hriattir anni lo niin an sawi a, Sibinasora an tihah hian in 40 awmin Lungsen VC ram chhungah in 28 a awm a, Zodin VC ram chhungah in 12 a awm bawk.

Lungsen khawtlang aiawhte meeting chuan he bâwkah hian SSA-in Primary School a din tawh tih sawiin, hetianga dan lova bâwk khawha school lo din hi ṭhalo an ti a, SSA pawh an hma-lakna te chhunzawm tawhlo se an ti tih an sawi a ni.

Read more
Leave a reply

Judicial Inquiry din phut thu sawi leh

Laipuitlang PWD Building building chhawng 3 chim vanga chhiatna thleng chungchang chhui turin Judicial Inquiry din an phut tih MNF Party chuan a sawi leh.

Nimin khan MNF Publicity Board in Aizawl Press Club-a chanchinthar thehdarhtute an kawmna-ah he thu hi sawiin, an hlauhthawn lawk ang ngeiin sawrkarin a din Magisterial Inquiry Report chuan chhiat tawhna a mawhphurtu lian ber ber Political Leader-te a hlahthlem a ni an ti a, Publicity Board member Pu Biakthansanga chuan Magisterial Inquiry din a nih dan-ah thil fel hlel awm nia alan thu sawiin, he Inquiry ti tura ruat Aizawl DC Dr.Franklin Laltinkhuma chu chhiat tawhna a mawhphur ve thei dinhmuna ding ve, District Disaster Management Committee Chairman a nihna angin chhui ve theih a ni a. Hetianga Inquiry ti tura ruat a ni chu Sawrkarin he thilthleng a ngaihzam zia tilangtu a ni a ti.

MNF Party chuan he chhiatna thlen danah tumah thlei bik nei lova chhui ngam tur Judicial Inquiry hmanga chhui that tir an phut nawn tih a sawi.

Read more
Leave a reply

Zirna kalpui chhunzawm theih ni dawnlo tih sawi

Kum 2008-a Lumpsum Grant-in-Aid-a hlânkai school 78-te chuan ngaihsak an hlawh loh avangin khaw tam takah chuan zirna kalpui chhunzawm theih a ni dawn lo tih Mizoram Government (Lumpsum) Aided School Association (MIGASA) chuan a sawi.

Hemi chungchanga nimina an thuchhuahah, MIGASA chuan an dinhmun siamthaa Adhoc Aided-a hlângkai tûrin tun sawrkar hi vawi engemawzat an lo ngen tawh tih sawiin, an ngenna in awmzia a neihloh mai bakah, an chungchang chu rorelna inah leh thuneitute ṭhutkhawmah pawh sawilan a ni ngai lo tih an sawi a, khawtlâng malin thawktu zawng zawngte mamawh phuhru tûr thla tin sum thawhkhawm chu thil theih a nih loh avangin, kum 10 leh a aia tam harsatna tam tak pal tlanga an lo thawhna te, zirna atâna ngaihtuahna an lo sên tawh na te, an enkawl mêk naupang ngaihtuahna te vangin rilru na hle mahse sawrkarin an dinhmun a ngaihtuah sak si loh avangin zirna a tâwp ngei a ngai dawn ta tih an sawi a ni.

Read more
Leave a reply

School Education leh Higher Education Service siam tum mek

Education Minister Pu Lalsawta’n Education Reforms rawtna angin Mizoram School Education Service leh Mizoram Higher Education Service te chu siam turin hmalak mek a ni a ti.

Nimina Mizoram Educational Foundation (MEF) Khawmpui vawi 6-na, Aizawl-a a hmanpuinaah he thu hi sawiin, zirna siamṭha tura Education Reforms Commission rawtna te tihhlawh tlin nan hun a duh avangin an rawtna te zirchiang tur leh kalhmang duang turin, Pu Laltawnga kaihruai Group of Experts din anih thu leh anni chuan tunmaia tih hlawhtlin theih te, hun rei vak lo a tih theih leh hun rei ngai tur chi rawtna te an thliar a. Group of Experts hnuaia heng rawtna te bawhzui turin Working Group leh Task Force engemaw zat din a ni, a ti bawk.

MEF hian IGNOU Regional Centre, Aizawl nen tangkawpin chawhnu lamah ‘Higher Education in 12th Five Year Plan’ tih thupui hmangin seminar an huaihawt zui a ni.

Read more

Nikum chhungin MGNREGS-ah cheng nuai 2106.37 hmangral

DRDA kaltlanga hnathawh zinga mi MGNREGS hnuaiah kum 2012-2013 khan Serchhip District-ah ni 92 chhung inhlawhna siam a ni a, hemi atan hian pawisa sanctioned cheng nuai 2113.119 aṭangin cheng nuai 2106.37 hmanral a ni.

He thu hi nimina Serchhip DC’s Meeting Room-a Serchhip District Level Vigilance and Monitoring Committee neihnaah sawilan a ni a, ni 100 inhlawhna siam a nih theih nan State Sawrkarin pawisa a thawh ve tur te a hun takah thawh thei ṭhin se a ṭhat thu sawilan niin, thuneitute hnenah hma la chak turin thlen tum a ni bawk. Kum 2012-2013 chhungin Serchhip RD Block huam chhungah Job Card 11060 pek chhuah a ni a, E.Lungdar RD Block huam chhungah Job Card 3196 pek chhuah a ni bawk.

He Meeting-ah hian Committee Chairman Pu CL Ruala, Lok Sabha MP, Co- Chairman Pu Lalhmingliana, Rajya Sabha MP, Pu Lalthansanga, MLA (Hrangturzo Constituency) ten he hun hi an hmanpui a, Sawrkar laipuiin District chhung hmasawnna hna a ruahman chi hrang hrangte kalpui a nih dan leh hmasawn dan chi hrang hrangte thlirho a sawiho a ni.

Co-Chairman Pu Lalhmingliana chuan MGNREGS hna kalpui dan chungchanga VC te leh VEC te inkara harsatna awm ṭhin chu ṭhalo a tih thu leh BDO te chuan an bial chhunga hetiang harsatna hi lo zir chiang se a duh thu leh Meeting neih leh hmasa berah report thehlut tura a duh thu a sawi a ni.

IAY hnuaiah kum 2012-2013 chhungin Serchhip District-ah In 70 sak a ni a, heng zinga 46 hi Serchhip RD Block hnuaia mi a ni a, a bak 24 hi E.Lungdar R.D. Block hnuai ami a ni.

Nirmal Bharat Abhiyan (NBA) hnuaiah March, 2013 thleng khan inthiarna (Toilets/Latrines) 7451 siam a ni tawh a, BPL chhungkaw 4398 (Serchhip RD Block – 2945, E.Lungdar RD Block – 1453) tan inthiarna siamsak an ni tawh a, APL chhungkaw 2804 (Serchhip RD Block – 1870, E.Lungdar RD Block – 934) tan siam a ni tawh bawk. School 80 (Serchhip RD Block – 58, E.Lungdar RD Block – 22) ah leh Anganwadi Centre 92 (Serchhip RD Block – 68, E.Lungdar RD Block – 24) ah inthiarna siamsak an ni a, Vantlang inthiarna hmun 77 (Serchhip RD Block – 67, E.Lungdar R.D Block – 10) ah siam ani tawh bawk. Khawfai lawmman dawng khaw 15 (Serchhip RD Block – 10, E.Lungdar RD Block – 5) an awm tawh bawk a ni.

NRDWP hnuaia pawisa dawn cheng nuai 1115.6077 aṭangin cheng nuai 1097.05071 hman a ni tawh a, hemi atana scheme siam hrang hrang 9 zinga 5 chu zawhfel tawh a ni a, a dang 4 chu hnathawh mek niin reilote ah thawh zawh vek anih beisei a ni.

National Social Assistance Programme hnuaiah Tar Pension (IGNOAPS) dawngtu mi 1625 an awm mek a, Tar pension la thar tura dilna 18 a awm mek bawk a ni. Hmeithai Pension (IGNWPS) dawngtu mi 54 an awm mek bawk a, Rualbanlo tanpuina (IGNDPS) dawng mi 35 an awm mek, National Family Benefit Scheme hnuaiah tanpuina pek tur `10,000/- ni ṭhin chu `20,000/- ah tih pun a ni a, hemi atan hian dilna lut chhungkaw 23 hnen atangin a awm a, mahse Sawrkar Laipuiin Serchhip district tan chhungkaw 12 chauh a ruahman sak avangin an zing aṭang hian chhungkaw 12 thlan chhuah a ni tawh a ni.

He meetingah hian District Bawrhsap Pi Juhi Mukherjee, IAS chuan tunhnaia Aizawl Laipuitlanga in chim avanga chhiat tawk te a tawrhpui thu a sawi a, Serchhip District pawhin khuarel chhiat rupna hi tawng ve thei reng a nih avangin hemi lo hmachhawn tur hian Sawrkar Department tin te ruahmanna mumal tak neih vek a ṭul thu a sawi a ni.

Nimin meetingah hian Central Development Scheme hrang hrang khawihtu Department aiawhte an kal ṭha hle a, an hnathawhna kawnga harsatna an tawh te, an mamawhte leh an hlawhtlinna te sawi chhuah niin hmalak chhunzawm zel dan tur te pawh an sawiho a ni.

Read more
Mizoram News Leave a reply

Mizoram-ah Cyclone la hlauhawm rihlo tih sawi

Thlichhia (Cyclone) na tak Mahasen tia vuahin tun ni 3 chhungin Mizoram a nuai dawn nia thuthang chu ralkhelna tur a nilo niin Science and Technology Wing-a Principal Scientific Officer Dr. Vanlalzara’n a sawi.

Dr. Vanlalzara sawi danin he thli chhia hi a lo tleha Mizoram a rawn thleng a nih pawhin Ningani hma chuan a lo thleng dawnlo hrim hrim a ni a ti a, tun dinhmuna a lan dan chuan thlipui hi Bangladesh lamah a kawi a, Mizoram a rawn thleng ve a nih pawhin a na tawh lo tura ngaih a ni a, hemi hnua tleh chhunzawm chuan Mizoram chhim lam chu a thawi ve chauh mai thei niin a sawi a, Mipui chiai lo turin a chah a ni.

Science and Technology hotute hi nimin khan Chief Minister ho-a meeting-ah telin Guwahati-a Meteorological Centre te nen an inbiak pawh thu sawiin ‘Mahasen Cyclone’ hi Mizoram tan tun thla ni 16 hma chuan ala hlauhawm loh tur thu an sawi a, cyclone chet dan hi englai pawha thlithlai reng a nih leh Mizoram alo thleng a nih pawhin a chakna tam tak chu hloh tawh an rin thu an sawi a ni.

Cyclone tleh tur thuthang avang hian mipui an ralkhel hle a, Aizawl-ah chuan school ṭhenkhat chu vawiin aṭangin ni 3 chhung khar tura tih a nih thu thulakna chuan a tarlang.

Read more