Thawhlehni chawhnu dar 1 khan Serchhip District Uurban Development Officer pisa, New Serchhip Venglaiah YMA Chhang hruaitute nen YMA chhang faina Project-2019 kalpui dan tur sawiho a ni.
He Meeting hi Vanthang-puii, DUDO in kaihruaiin YMA Chhang te nena Faina kawng a thawhhona tur ruahmanna hrang hrang te sawiho a ni a, YMA chhang member te chu faina kawngah ṭangkai zawk a hman dan ngaihtuahna ni se tiin, Faina Project-2019 ah hian YMA chhang nei Branch te kumtluana Faina lama hma an lak theihna tuin mahni Area ṭheuh te vawngfaia, enkawl fai ber te tan kum chanve lawmman leh kum tawp lawmman siam nise a ti a ni.
Hemi bakah hian thla tin UD&PA Department in a ngen angin YMA Chhang te hnatlanna neihpui ziah turin ruahmanna siam a ni a, heta hnatlanna atana senso hi UD&PA Department-in YMA Chhang member neih zat a zirin a tum ṭhin dawn bawk a ni.
He Faina Project 2019 hi thla tin endik turin ruahmanna siam a ni a, endik hna hi Sub-Hqrs YMA, Serchhip OB te kuta dah niin, anni hian thlatin an endik dawn a, Criteria/ tehfung hrang hrang siam a ni ang a, hemi hmang leh hnatlang lai thlalak kimchang hmang tea endik a ni ang.