Zothlifim Logo
Loading ...

PRISM Party President Vanlalruata chuan State-a lungawi tur kan ni lo, a ti.

Nimina Mizoram State Day vawi 33-na puala PRISM Party office-a Lalrinzuala Chawngthu, Gen Secretary kaihhruaia inkhawmna hun hmannaah thusawiin President chuan Mizoram political history tlangpui sawiin state dinhmun hial kan neih theih nana hma latute chhuanawm a tihzia a sawi a; chutihrualin Mizote hi ram hran leh hnam hran kan nih tlat avangin state dinhmuna lungawi mai tur kan ni lo a, ram hran nei tur kan ni, a ti.

PRISM president chuan CAB, 2016 siama kan ram leh hnam dinhmun tiderthawng tura hma an lak avang leh hma lak zel an tum thu an President-in a sawi chian avangin BJP chu Mizo mipuiten kan hnawl a ṭul tak zet a, kan ram leh hnam him nan kan hma MP (LS) inthlan lo awm turah BJP leh an sangawizawnpuite Mizoramah paihthlak ngei a ṭul a, hemi atan hian PRISM Party-in hma a la dawn, a ti bawk.