Mizoram Rajya Sabha MP hlui Lalhmingliana chu MP travelling allwances a laknaa air ticket diklo hmanga puh a nih avangin Delhi Court chuan kum 3 lung in tâng turin a chungthu a relsak.
Special CBI judge NK Malhotra chuan Lalhmingliana hi Indian Penal Code hnuaia a tak anga document lem hmang leh mi bum nana a lem siam leh mi bum thubuai bakah Prevention of Corruption Act hnuaia dân bawhchhia puhin thiam loh hi a chantir a, Court chuan Lalhmingliana hi cheng nuai 11 chawi turin a ti bawk a. Hetihlai hian Delhi High Court-a appeal thei turin bail a phalsak thung a ni.
MNF ticket-a tum hnih MP-a thlan tlin lo ni tawh Lalhmingliana hi November ni 29 khan convict a ni a, November ni 30 khan thuremna hi puan a ni a, court chuan Lalhmingliana hi TA Bill `11,19,926 a thehlut tih finfiah a ni a, hetah hian a zinpuite zin man telin companion free scheme (CFS)-a a zin man dik tak chu `81,373 niin a tarlang a, Rajya Sabha secretariat atangin dik lovin `10,36,533 vel a la tih finfiah a nih thu a tarlang bawk.
Hetihlai hian Lalhmingliana hian court thuremna hi khinlet a tum thu a sawi a ni.