Zothlifim Logo
Loading ...

Serchhip District Football Association (SDFA) buatsaih Serchhip District Football Championship 2017 chu Inrinni khan Khawtetlang field-ah khelh zawh niin, final-ah hian 1-0-a New Serchhip FC hnehtu Hmar Veng FC chu an champion a ni.
He inkhela goal awmchhun hi huntawp dawn hnaiha lut a ni a, New Serchhip FC player Lalruatmawia chuan minute 85-naah an lamah a tilut palh a, he inkhelah hian New Serchhip FC player pathum ngawtin Red Card an hmu a, New Serchhip FC President, Pu Zarzosanga chuan inkhelh zawha Zothlifim-in an khelh dan chungchang a hmuh dan zawhna chhângin, “Kan player te khelh danah sawisel tur ka hre lova, kan vanduai vang leh player \henkhat te insum zawh loh vanga chak lo kan ni ah ka ngai. Chutih rualin, refereeing decision dik tawk lo khan kan result ah nghawng a nei lian hle bawk. Eng pawh nise, Hmar Veng FC te an khel \ha a, kan lawmpui takzet. MFA Cup an khelh turah pawh champion ngei turin duhsakna kan hlan. Chutih laia kan tarlan duh chu, cup/tournament final match enkawl tur hian FIFA pawhin a referee neih \hat ber te a thlan \hin lai a, kan local referee junior ber an enkawltir mauh mai kha chu kan hrethiam lo a ni,” tiin a sawi.

Hmar Veng FC Asst. Coach, Arina chuan “Final match ah khan defensive kan plan sa a, kan tum ang takin kan khel a, Ball kan chang tam lo a, amaherawhchu kan game plan kan tihlawhtling thei erawh kan champion-pui a, Pathian malsawmna liau liau a ni e,” tiin a sawi.

Champion team hian Certificate leh `20,000 dawngin pahnihna New Serchhip FC hian Certificate leh `10,000 an dawng ve bawk. Fair Play Award pawh champion team Hmar Veng FC-in an dawng a, Fair Play Award hian `5,000 a keng tel.

Best Player-ah Vengchung FC midfielder Lalchawimawia thlan a ni a, goal 4 khungtu New Serchhip FC forward H.Ralkapzauva’n Top Scorer lawmman a dawng bawk a, Best Player leh Top Scorer hian `5,000 ve ve an dawng a ni.

Champion team Hmar Veng FC hian March-a khelh tur MFA Cup-ah Serchhip District ai an awh dawn a ni.

(Pic: Mapuia Pachuau via facebook)