Zothlifim Logo
Loading ...

Nimin khan Mizoram Synod chuan Kohhran hma-thlir chungchanga inrawn-khawmna a buatsaih a, Serchhip District tan pawh Serchhip Kawnpui Kohhran Biak inah Serchhip District chhunga kohhran te inrawnkhawmna hi neih a ni.
Serchhip District chhunga Kohhran zawng zawng te Koh-hran hmathlir chungchanga inrawn khawmna hi Synod Executive Secretary, Rev. PC Pachhunga leh Rev. Dr. C.Lalhlira, ATC Principal te an rawn hmanpui a, Kohhran inrelbawlna lam te, ṭhalai leh naupang zinga rawngbawlna chungchangah te, Ramthar rawngbawlna chungchang te, Kohhran inpumkhatna leh thawhhona chungchangah te inrawnkhawmna hi neih a ni a, Pastor Bial ṭhen chungchang te, Pathian Biak inkhawm kalpui dan chungchangah te, Kohhran sum inhrek chung-changah te, Kohhran indan leh dinnghehna sum chungchang te, Synod Office inrelbawlna tihzangkhai chungchang te sawiho a ni bawk.

Kohhran Hmathlir chung-changa inrawnkhawmna hi Mizoram pumah hmun 6-ah neih a ni a, Aizawl District tan Mission Veng Biak In-ah, Cham-phai District tan Champhai Vengthlang Biak In-ah, Kolasib District tan Kolasib Diakkawn Biak Inah, Mamit District tan Mamit Biak Inah, Chhim Bial pum tan Lunglei Chanmari Biakin-ah te neih a ni bawk a, Serchhip District tan hian Serchhip Kawnpui Biak Inah neih niin Serchhip District-ah Presbytery 5 – Chhimchhak, Ramlai, ṭawi, Tuichangral South leh Tuivawl Pesbytery aṭanga Pastor Bial 17 ten inrawnkhawmna hi an nei a, Pastor Bial 17 ah hian Kohhran 76 awmin Kohhran tin aiawh pakhat ṭheuh bakah Pastor leh Minister 18, Pro Pastor 6 bakah thlengtu kohhran upa zawng zawng te he hunah hian an tel a ni.