Guus Hiddink chuan Netherlands head coach hna chu thla 10 chiah a chelh hnu-ah a chhuahsan ta.
Kum 68-a upa, Hiddink hian a ṭum 2-na atan nikum August khan Netherlands hi a enkawl leh a, kum 2016 Euro zawh thleng daih tur Contract a ziak a, mahse Netherlands hi match 10 a khelhpuiah match 5-ah chaklohpuiin, match 4-ah chiah hnehna a chanpui a, tunah hian Euro 2016 Qualifying-ah an group-ah pathumnaah a awmpui mek a, an group-a hmahruaitu Iceland aiin point 5-a hniamin, pahnihna Czech Republic aiin point 3-in an hniam bawk a ni.
Hiddink chuan, “He kawng ka zawhpui hi pawi ka ti khawp mai,” tiin a sawi a, “Dutch National Team coach-a min dah leh hi inchawimawina ropui takah ka ngei a, mi thlaktu tur bakah Staff leh player zawng zawngte European Championship, France-a khelh turah hlawhtlinna chang ngei turin duhsakna ka hlan a ni,” tiin a sawi.