MPYCC President Pi Vanlalawmpuii Chawngthu, MLA chuan HPC(D) hel nia hriat ten an lo lambun chu hriatthiam har a tih thu sawiin, hmasawnna thlen tura kalte pawh zah zo lova silai nena beih an ni chu na a tih thu leh tuar thiam har hle a hriat thu a sawi.
MPCC Thalai tein Aizawla an President Room-ah MPYCC President Vanlalawmpuii Chawngthu MLA leh K. Vanlalruati, Joint Secy te thla hualna hun nimin an hmannaah he thu hi sawiin, Pi VanlalAwmpuii chuan, anmahni venghimtu Mizoram Police nunna chantate leh hliam tuarte chu a chhuan takzet thu sawiin, “Mizo tlangvalte huaisenzia a takin a hmu tih a sawi a ni. an chuanna motor pawh vawi 17 lai mai silai muin deng mahse, Pathian awmpuina leh venhimna vang chauha dam khawchhuak an ni a ti a. An chanchin hriaa tawngtaisaktu Mizoram mipuite chungah a lawmthu a sawi a ni.
He thla hualna hunah hian MPYCC President hnungzuitu Pi K. Vanlalruati, Joint Secy MPYCC chuan report pein, thlamuang taka motor-a an chuan laiin vawi lehkhatah silai puak ri an hriat thut avangin an barakhaih hle a, silai mu leng vel karah motor-ah bawkin Pathian venhimna avang liau liau-a nunna chan lo nia an in hriat thu a sawi a ni.
Thla hualna hun hman zawh hian MPYCC member te chuan inlambunna avanga hliam tuarte chu damdawi inah a huhovin an kan nghal a, nunna chan ta chhungte pawh President MPYCC ho hian an ral nghal bawk a ni.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117