Serchhip May 5, 2012: Tuikuk raltlan laklet leh thawh lina kal meka a ni hnihna nimin-ah chuan ruahman lawk anga chhungkaw 149 laklet leh tum a nih laiin chhungkaw 6 chiah an lo kir.
Pen Pistol man
Mizoram Police CID leh Assam Rifle ṭangkawpte chuan niminpiah khan pen hmanga pistol siam an man. A neitu a puh Raj Kumar Chhetry (48) s/o Karna Bahadur Chhetry Aizawl Khatla pawh man tel a ni.
NLUP Bawng hralh rulhtir dawn
AH & Vety hnuaia NLUP hmanga Bawng vulh tur dawn hralhtu Malswmkima s/o Bawia (L) Kolasib chu intiamkamna a ziah tawh angin May 3, 2012 atanga chhiara kar khat chhungin a Bawng tihral hlut zawng dah let leh turin NLUP Implementing Board Secy Zorammuana chuan a hriattir.
Result chhuak
UPSC Civil Services final exam 2012 result niminah a chhuak a, kan hriat theih china Zohnahthlak tling te:
Ann Rammawii Haokip Rank 620-na,
Lalrinpuii Hrahsel Rank 884-na,
Hautinlal Suantak Rank 885-na,
Pauzakham Ngaihte Rank 903-na, te an ni.
Missionary Retreat
May 17-20 hian Bethle hem Kohhranah Missionary Retreat for North East Region neih a ni dawn a, thupuiah ‘Hma i sawn zel ang u’ (Philippi 3:16) tih an hmang ang a, Speaker atan Rev. Vanlalzuata, Senior Executive Secy an hmang ang.
Donation khawn khap
Republic Vengthlang Local Council chuan an veng huam chhungah thawh-lawm (donation) khawn an khap thu an puang. Hnam dang tan mi in a luta thilzawrh an khap tel.
Ring thar 716
Tripura Mission Field huam chhungah January - April, 2012 chhungin ringthar 716 an awm thar tih thu SMB Field Secretary hnen atangin dawn a ni.
PICTURE:
Serchhip Bazar pui ber - a hnung lam aṭanga a lan dan
